USS Langley (CV-1)

Die Langley ter see in 1927

Die USS Langley (CV-1/AV-3) was die Amerikaanse Vloot se eerste vliegdekskip en is 'n omskakeling van die steenkool-vragskip USS Jupiter in 'n vliegdekskip. Dit was ook die Amerikaanse Vloot se eerste turbo-elektriese transmissie-aangedrewe skip. Daar was ook vir die omskakeling van 'n ander vragskip beplan, maar na die ondertekening van die Vlootverdrag van Washington is dit gekanselleer. Twee halfgeboude Lexington-klas slagkruisers USS Lexington (CV-2) en USS Saratoga (CV-3) is ook gekanselleer weens die verdrag en omgeskakel in twee vliegdekskepe.

Die Langley is vernoem na Samuel Langley, 'n Amerikaanse lugvaartpionier. Na nog 'n kleiner omskakeling as seevliegtuig-ondersteuningskip het Langley aan die Tweede Wêreldoorlog deelgeneem. Op 27 Februarie 1942 terwyl die skip 'n vrag USAAF Curtiss P-40 Warhawk vliegtuie na Java vervoer het, het nege tweemotorige Japannese bomwerpers van die 21ste en 23ste vloot se lugflottieljes dit aangeval en so erg beskadig dat dit gekelder is deur die begeleidende skepe.

Verwysings

  • Ford, Roger; Gibbons, Tony; Hewson, Rob; Jackson, Bob; Ross, David (2001). The Encyclopedia of Ships. London: Amber Books Ltd. p. 330. ISBN 978-1-905704-43-9.
Normdata Edit this at Wikidata
  • NKC: osa20221144704